صوت بلادي

ماشي في درب ساكت ماله هادي فجاءه اتهزت الارض وقلبي خبرني اني صدا صوت بلادي بيقولي ثور ورجع امجادي وامحي بدمك ظلام ظلمي واستعبادي  قلت دا لو اطول افديكي بروحي وادوس علي نار جروحي وتعيش حره يابلادي 

دا علمك يرفرف نظره له تداوي الف جريح وجريح ارضك كلها لروح شهيدك ضريح عطره يزيح همك دا لوطول افديكي بروحي وادوس علي نار جروحي وتعيش حره يا بلاد ي  

ع الشارع ع البيت ع المدرسه

ع الشارع عالبيت ع المدرسه فرض حصار الهيمنه والوسوسه
رفع شعار نول مرادك بالغطرسه والفونسه
واتغلب ع الصعاب بالانسحاب وحبوب الهلوسه
ورغيف عيش يجي مايجيش بعد الشد والنتش والدهوسه
بودان زرعها في الحيطان وقلبها مخبصه
وظباط فواجر ما لهمش كاسر ساقوا ع الناس المغلسه يشم ده بكذا وده يقولوا يابن
تييييييييييييييييييت شتيمه مش كويسه
ولمل جينا نقولوا سبها قال حبيبها وهو سيبها مفلسه
لا بقولك دا احنا شببها حافظين كتابها راح نبني لسيتك قبر ونبني في حبها مدرسه ع الشارع ع البيت ع المدرسه

انتم فين يا عرب

انتم فين يا عرب بيتنا اتخرب الغرب شطح فينا وضرب يتم اطفالنا ورمل نسانا وردم القنايا وعملها ترب انتم فين ياعرب
لحد امتي يا قودنا هتفضلوا ساكتين علي ملك زايل لايام لشهور لسنين دا الاقصي جريح وبيصرخ من جرح غاير بقاله سنين من كفره ويهود رفعوا رايه الكفر وهدموا رايه الدين وانتم واقفين ساكتين سكاري ولا مسحورين انتم فين ياعرب
دا ربنا قال كلمته واقسم بجلاله وعزته يوم مانعمل بكلمته راح يرجع لينا اقصانا ويحرر فلسطين
ماتقولش في يوم ان الظلم دايم دا دوله الظلم ساعه ودوله الحق ليوم الدين امتي هتفوقوا يا عرب

امتي ينتهي الفساد

ستلا ستلا ستلينا فاع وخربها ابن الذينا انتهز الفرصه وقلبها غرزه ورش سمه ع العجينه
سرق مال ولا بوظ عيالي ما هي هي نفس الطينه
دا اتريه غاوي وعامل بلاوي ولبسها لشرفه ال مات وقال انا فالح وخدام مصالح ومربط مع كله بس انت هات
جه مره هاج ومسك كرباج قالوا فين قلبك قال نفيته لساحل العاج ولما قالوا هات فلوسنا قال في عسره واتريه مسفلت طريق لسويسرا امتي هينتهي الفساد امتي هينتهي الفساد

قصيده يا محلي عيشع الفلاحين

طرحت جناين الفلاحين عنب ورمان وتين ومن طرحها اتجوزت الصبايا العذاري المتصبصبين يا محلي عيشه الفلاحين
الصبيه قبل الجواز تبقي عمله زي الغزال بعد الجواز بسنه تبقي بقره ومربوطه بحبال وجرا وراها كوم عيال والعريس يصبح تعيس وحالته تبقي مدهوره يجي يطلع خطوه لقدام يلاقي نفسه 100لورا
ومن كلام النساوين في كفرنا ع المصاطب بيقولوا
ابو حميده ضرب حميده علشان فتح باب المندره لاقاه بيقول للبت سعيده هاتي بوسه مدوره قام حالف عليهم يمين مايولي عليهم يومين وغير وهما مجمعين تحت سقف المندره
وابو عثمان ضرب عثمان عشان لاقاه بيشرب دخان ورا فرن الخبيز قام علقه في الزربيه وضحك علقه الخرفان والماعيز
وعم حجازي راح الحجاز وجاب لمراته بابور جاز طلعت تتفشخر ع النساوين قام فج في وشها وبقي عامل زي جلوص الطين
وفي الختام عم سعيد ترك الصعيد جه يدلي علي مصر لاقي نفسه في بورسعيد شاف القنال قلع العمه وادلي يشرب لاقاها ملحه قام وقال المجاري طفحت في المصرب حد تاني له شوق في العيال